Hogeita seigarren edizioan ibilbidearen norabidea aldatu dute lehen aldiz
Hutsik egin gabe, Leitzako Kaskagorrek aurtengoan ere antolatu dute beren proba berezia, kirola eta festa lotzen dituen proba. Lasterketaren norabidea aldatuko dute gainera aurtengoan eta Donostiatik Leitzara etorri ordez, Leitzatik Gipuzkoako hiriburura joanen dira lehen aldiz.
Irailaren 26an, larunbat goizeko 9:30ean abiatuko dira Leitzatik Donostiarantz. Leitza-Ondarreta bidea bizikletaz egin, Donostian lasterka eta igerian ibili eta 14:30ean Egiako Arrano Elkartean bazkalduko dute. Lehengo urtean 25 urte bete zituen lasterketa berezi honek eta aurten lehen aldia izanen da Leitzan hasi eta proba Donostian bukatzen dutena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.