Goizeko 10:30ean kaxetan elkartu eta Mendaratzera jeitsiko dira. Ibilbidean barna, Urumea errekaren zenbait ezaugarri ezagutzeko aukera izanen da, Urumeak gordetzen dituen altxorrak bertatik bertara ikustekoa. Hamaiketakoa egiteko tartea hartu eta 11:30 aldera, Iñaki Sainz Azkue Aranzadiko biologoaren eskutik erakusketa izanen da. 13:00etan elkarrekin bazkaltzeko proposamena egin dute, bazkaria nahi duenak etxetik eramanda. Eguraldiak laguntzen ez badu, San Roke Elkartean izanen da bazkaria.