Umeen Egunean, haur eta gurasoek osatutako Irumaita txarangak giro ederra jarri zuen
Txupinazoa abuztuaren 14an, ostiral eguerdian botako badute ere, Goizuetako Amabirjin festen lehen seinalea asteburu honetan izan dute. Larunbatean Umore Ona abesbatzako auroroak atera ziren kantari eta gero elkarrekin bazkaldu zuten. Igandean, Umeen Eguna ospatu zen, Irumaita txarangaren animazioarekin. Ikusi Felix Loiarteren argazkiak
Haur eta gurasoek osatzen duten txaranga kalez kale ibili zen. Meza ere izan zen igandean eta pilota eskolako gaztetxoen pilota partidak. Haurrentzako bazkariaren ondotik, xake partidak eta jolasak, xexenak eta poniak, haurrentzako berendua, magia saioa eta Joxe Angelekin dantzaldia izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.