Urtero bezala, 12etan eginen den antzerkian, herritarrak izango dira protagonista, eta oraingo honetan “Nikolas txikia” antzerki-lana antzeztuko dute. Lekunberrira iristen den merkatari baten historia kontatzen da gag umoretsuekin. 250 herritar inguruk parte hartzen dute ekitaldi honetan: ekintzen antolakuntzan, garaiko jantziekin mozorrotuz, belar metak egiten…
Egun osoan zehar, 80 artisauk baino gehiagok erakutsiko dute bere abilezia hainbat produkturen lanketarekin: zur-lanak, zeramika eta larrua, ukenduak, belarrak, jostailuak, paper-denda, Nafarroako artisau elikagaiak... txikiek zein helduek jai honetaz goza dezaten.
Lekunberriko Antzinako Azokan aukera izango da musika eta dantza tradizionalekin gozatzeko, belarrrez betetako gurdian denboran zehar bidaiatzeko, aizkora apustuak ikusteko zein familian ume jolasetan ibiltzeko. Ekintza honek Nafarroako Gobernuko Turismo Saileko diru-laguntza jasotzen du.
EGITARAUA
10:00etan Merkatuaren irekiera (Ezkil jotzearekin).
11:00tan Antzinako ofizioak eta belar-metak
12:00etan Antzerkia ‟Nikolas Txikia‟
13:00tan Herri Kirolak herriko plazan
14:00etan Merkatuaren itxiera
-Herri Bazkaria Marmitako 5€ Tiketak egunean bertan eros daitezke
azokako tabernan.
17:00etan Merkatuaren irekiera.
17:30ean Euskal dantza tailerra
19:00etan Antzerkia ‟Nikolas Txikia‟
20:00etan Kultura-ingurumen erakustaldia
21:00etan Merkatuaren itxiera (Ezkil jotzearekin)