Goizuetarra zen faborito, bere alde zituen apustuak ere. Inork gutxik jartzen zuen zalantzan haren garaipena. Baina haseratik gailendu zaio Mikel Urrutikoetxea. Partida bukatutakoan Aimar Olaizolak berak aitortu zuenez, hasieratik erakutsi zuen Zaratamokoak garaipena merezi zuela.
Aimar Olaizola galduta ibili da partidako lehen minutuetan eta tantoak oparitu ere egin dizkio bizkaitarrari 10-19ra urruntzeraino. Dirua ere bizkatarraren alde jarria zen ordurako. Bat-batean, ordea, berpiztu egin da Olaizola II. 19na berdindu eta Urrutikoetxea hasi da orduan sufritzen. Baina hil ala bizi botatako hormabikoa doi-doi txapa gainean jarri du eta azken bi tantuak sakez egin ditu. 38 urtean lehen aldiz Bizkaikoa da buruz buruko txapelketako irabazlea.