Ostiralean Goizuetan jokatutako partidetan, alebinetan, Joanes Apezetxea eta Beñat Apezetxeak 18-9 irabazi zieten Arbizuko Gorrotxategi eta Baztarrikari; Infantil mailan, Aitor Aizkorbe eta Antton Apezetxeak 18 eta 9 irabazi zieten Arbizuko Olaetxea eta Petriatiri; jubeniletan, Iker Salaberria eta Jonni Salaberriak 22 eta 4 irabazi zieten Arbizuko Nazabal eta Flores-i eta seniorretan, Apezetxea eta Narbartek 22 eta 9 irabazi zieten Arbizuko Agirre eta Arrutiri.
Lehen mailan Doneztebe finalerdietan kanporatua
Nafarroako Herriarteko lehen mailakoan finalerdiak bitarteko bidea egin du Doneztebek, baina hor kanporatu du Uhartek. Donezteben jokatutako joaneko jardunaldian bina partida irabazi zituzten, baina ekainaren 19an Uharten, etxekoek hiru irabazi zituzten. Alebinetan, Beloki eta Armendarizek 18-12 irabazi zieten Doneztebeko Aitor Agesta eta Beñat Zubizarretari; infantiletan, Doneztebeko Enaitz Telletxea eta Gaizka Agirrek 0-18 irabazi zieten Uharteko Uzkeda eta Jamar-i; jubeniletan, Uharteko Laso eta Martijak 22-6 irabazi zieten Doneztebeko Bakaikoa eta Medinari eta senior mailan, Uharteko Yoldi eta Sarasak 22-5 irabazi zieten Doneztebeko Ugaitz Elizalde eta Jon Gorritiri.
Uztailaren 5ean jokatuko dute lehen mailako finala Iruñeak eta Uhartek.