Goizeko 10etan mezarekin hasiko da ospakizuna eta ondoren, herri kirolak antolatu dituzte. Segidan, proba bereziak eta umeentzako jokoak ere izanen dira, nahi duenak parte hartu dezan. 14:00etan auzo bazkaria izanen da Basakabin, jatetxean bertan erosi ahalko dira txartelak. 17:00etan XXX. Mus txapelketa jokatuko da eta 18:00etan dantzaldia. Aurten gainera, garai bateko ohitura berreskuratu asmoz, dantza lehiaketa ere egiteko asmoa dute. 19:30ean txintxurrin txapelketa jokatuko da. 31. edizioa da aurtengoa eta lehiakide berriek eta beteranoek beraien abilezia erakusteko aukera izanen dute beste behin giro alaiean. 20:30ean zozketa eta ondoren txokolatea izanen da denentzat.