Ekainaren 13rako, larunbaterako prestatu duten egitarauaren baitan, Gure Esku Dago ekimenarekin bat egin eta Ehuntzen eguna ere sartu dute. Hala, goizean ohialak lortu, margotu eta josteko aukera izango da eta plazan jokoak, pintxoak, musika.. ere izango dira. Ehainaren 21ean Iruñean egitekoa den Josten Egunera joateko txartelak ere salgai jarriko dituzte. Eguerdian Basakaitz dantza taldeak emanaldia eskainiko du eta ondoren bazkaria izango da. Bazkalondoa Julio Soto eta Maialen Lujanbio bertsolariek girotuko dute eta eguna borobiltzeko, arratsaldean erromeria izango da Gabenara taldearen eskutik.
Ehuntzen eguneko ekitaldiak ere egitarauaren parte dira
Udara heldu da eta pestaz pesta hasi dute hilabetea Areson. Ekaineko lehenbiziko asteburuan eskolen topaketak izan ziren Areson eta bigarrenean egun osoko festa izango da Lagun Artea elkarteak antolatuta. Herritarrei eman dieten laguntzagatik eskerrak eman nahi dizkiete eta horretarako etxez etxe eskean ibilita bildu izan duten diruaren sobrantea hartu eta pesta antolatu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun