25 kilometroko ibilbidean, Lasarte Oriako Endika Gartziak nagusitasunez irabazi zuen (2:11:51). Bost minutu luzeko aldea atera zion bigarren izan zen Zumarragako Juanjo Igarzabali (2:16:57) eta 7 minutukoa Andoaingo Jon Ugalderi 2:18:52). Eskualdeko lehenbizikoa helmugan Arraiozko Aritz Alunda izan zen (2:32:25, hamahirugarren). Leitzako Oskar Aristimuño hamabosgarren izan zen (2:34:45), Agoitz Altzugarai lesakarra hamazazpigarren (2:35:32) eta Joseba Lasarte beratarra hemezortzigarren (2:35:54). Goizuetarren artean, Hodei Lujanbio izan zen bizkorrena (2:48:04, hogeita hamaseigarrena sailkapen orokorrean), Alex Salaberria bigarren (86., 3:10:06) eta Egoitz Zubiri hirugarren (88., 3:11:12).
Emakumezkoen artean, Zaldibiko Laida Elizegi suertatu zen garaile (2:54:00), Iruñeko Uxue Loizu bigarren (2:57:59) eta Tanit Perez de Lezeta donostiarra hirugarren (3:07:51). Eskualdeko emakumerik ez zen atera ibilbide luzean.
Ikusi 25 kmko probaren sailkapena
Ibilbide laburreko emakumeen artean Maialen Apezetxea goizuetarra garaile
10 kilometroko ibilbide laburrean, Urnietako Jon Ramos izan zen irabazle (58:09), Iñigo Gurrutxaga donostiarraren (58:38) eta Lasarte-Oriako Beñat Los Arcosen aurretik. Emakumezkoetan, Maialen Apezetxea goizuetarra nagusitu zen (1:06:46ko denborarekin hamargarren izan zen sailkapen orokorrean), Legazpiko Maider Pagola (1:10:24) eta Edurne Gonzalez gasteiztarraren aurretik (1:16:40). Goizuetarren artean, Aritz Zubiri izan zen bizkorrena (1:06:48, hamaikagarren sailkapen orokorrean) eta Ibon Elizegi bigarren (1:30:16). Emakumezkoetan, Maialen Apezetxea irabazleaz gain, Ane Zinkunegi (1:30:17) eta Uxue Mutuberria (1:52:29) goizuetarrak atera ziren.