Helduen lasterketan 38 korrikalari atera ziren. Gizonezkoetan lehenengoa, laugarren urtez jarraian, Irurako Unai Señoran Bengoa izan zen. Honek 3 kilometroko zirkuituari hiru itzuli emateko 32:54 minutu behar izan zituen. Bigarren, iaz bezala, Lasarte-Oriako Raul Gomez Margallo izan zen (33:23) eta hirugarren Alkotzeko Mikel Beunza (33:33).
Emakumezkoen artean, irabazlea, Iraizotzeko Vanesa Pacha izan zen eta honek 38 minutu eta 55 segundo behar izan zituen ibilbidea osatzeko. Bigarren Barbara Badosa kataluniarra izan zen (45:31) izan zen eta hirugarren Arantxa Uranga Fraiz (47:16).
Herritarren artean onena gizonezkoetan Hodei Lujanbio izan zen, 37 minutu eta 51 segundoko denbora bikaina eginaz eta zortzigarren izan zen sailkapen orokorrean. Herriko lehenengo emakumea, aurten ere Ane Zinkunegi izan zen, 54:56ko denborarekin. Honek ere laugarremez jarraian errepikatu du herriko lehenengoaren sarian.
Txikienek izan zuten aukera korrika egiteko eta parte hartzaile guztientzat izan zen oroigarriren bat.