Leitzako Mendibil mendi taldeak prestatu du apirileko ateraldia. Apirilaren 18an eginen du Etxauri-Sarbil-Etxauri ibilaldia, zailtasunik berezirik gabeko 4 eta 5 ordu arteko txangOa. Ondoren bazkaria eginen dute Ororbian.
Aipatu bezala, apirilaren 18an, larunbat goizeko 7:30an aterako dira Oialde paretik autobusez. Bazkaria Ororbian eginen dute, 15 euroko menua. Autobusaren prezioa, berriz, 15 eurokoa izanen da. Aurrerako bazkideentzat 10 eurokoa.
Izen ematea apirilaren 16a (osteguna) baino lehen egin behar da Astizen, Maimurren edo mendibilaurrera@hotmail.com helbide elektronikoan.