Gero eta gutxiago gelditzen da Eguberrietarako eta horrekin batera, Orantzaroren bisita ere laster izanen dugu, abenduaren 24an, zehazki. Egun horretan, 12:00etan, neska-mutikoek kalejira eginen dute Orantzaro eta Mari Domingirekin eskolatik plazara. Han gozokiak banatuko dizkiete Orantzaroren laguntzaileek.
18:30ean etorriko da Orantzaro, eta Orantzaro pesta eginen da, Maimur, jentille eta galtxagorriekin, Orantzaro sua piztuz. Gero kalejira eginen da.
Eguberrietako ekitaldiak eskolan
Aurtengo azken eskola egunean, hilaren 22an, eskolako ikasleek urteroko jaialdia eginen dute. Zikloka banatuta, ikuskizuna eskainiko dute eta irakasleak ere eginen dute beraiena. Ondotik, Guraso Elkarteak pintxoak emanen ditu.