Ilbeltzaren 24an zabaltzen hasia zen inauteri giroak, igande eguerdian jo zuen goia Leitzan. Urtero bezalaxe herritarrek erakutsi zuten badutela imajinazioa eta ingurukoak barrezka jartzeko abilezia. Eguerdiko 12etan abiatu ziren industrialdetik gurdiak, mota guztietakoak eta ikusgarriak oso. Tartean ziren afrikarrak, kubatarrak, pailazoak, txotxongiloak, kaxeroiak, veneziarrak... Kale nagusian ikusle ugari zeuden beraien esperoan. Arretaz egon ziren musikaren erritmoan eskaintzen zizkieten dantzei begira eta baita egiten zituzten erokeriei begira ere. ikusi bideoa
Astelehenean eskea eta asteartean atsaureen kalejira
Goizean goiz elkartu eta Gorriztaran, Arkixkil, Sakulu eta Erreka auzoetan barna dabiltza gaur gazteak. Arratsaldeko 17:00etan umeen kalejira izango da eta ondoren txokolatada eta goxokiak banatuko zaizkie. Iluntzean eta gauean Orkestra gizonaren emanaldia izanen da plazan. Bukatzeko, ilbeltzaren 27an, asteartean, Erasote auzora eginen dute eskea mozorrek. Puzgarri eta jokoak, bazkaria... antolatu dituzte eta iluntzean atsaureen kalejira izanen da hitzordu nagusia. Gabezin taldearen kontzertuarekin esanen diete adio inauteriei.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!