Joan den ekainaz geroztik kirola egiteko aukera berria zabaldu zuen Udalak, Behekolandako gimnasioarekin. Ordura arte herrian inoiz izan ez zen zerbitzua ireki zuen Asinko inguruko nabe batean, udal gimnasioa eta jendea hasi da poliki-poliki muskulazio tresnekin eta bertan dauden beste aparatuekin trebatzen. Hain zuzen, udaletxetik aipatu digutenez, gaur egun 59 bazkide ditu gimnasioak.
Urte osorako bazkide egiteak 25 euroko prezioa du eta urte berrian sartuak garenez, 2015eko kuota ordaintzeko epea zabalik dute Udaletxean bazkide direnek, baita bazkide berri egin nahi dutenek ere. Modu berean, orain arte bazkide izan eta baja eman nahi dutenek ere udaletxean jakinarazi beharko dute.