Abenduaren 12an Leitzako udaletxean Zer da gure paretek kontatzen digutena? parte-hartze prozesuari hasiera eman zioten hainbat herritarrek.Kartel, pankarta, pintaden... inguruko kudeaketak nolakoa izan behar duen denen artean erabakitzea da asmoa.
Lehendabiziko saio hau gaia kokatzeko baliatu zuten. Lehenik Iker Casanovak Euskal Herriaren historia hurbilean kale komunikazioak eduki izan duen garrantziaz hitz egin zuen. Ondoren udaleko kideek Leitzako kaleen egoera zein den azaldu zuten, eta amaitzeko Markel Ormazabalek kale komunikaziorako aukera berriei buruz hitz egin zuen. Sprai, pintura eta kartelek dituzten abantaila eta desabantailei buruz ere hitz egiteko aukera izan zuten. Gainera, udaletxera bertaratzerik izan ez zutenek saioa Twitter bidez jarraitzeko aukera izan zuten @leitzakoparetak sarreraren bidez.
Lehendabiziko urratsa eman ondotik, saio garrantzitsuenak urtarrilean izanen direla azpimarratu dute antolatzaileek, eta herritar orori gonbita egiten die bertan parte-hartu dezaten. Urtarrilaren 9an, 16an eta 30ean, arratsaldeko 6,30etan jarri dute hitzordua udaletxeko batzar aretoan.