Arano, Areso, Goizuetako eta Leitzako Euskara Zerbitzuak, aurreko urteetako ohiturari eutsiz, gabonetan haurrentzako tailerrak antolatu ditu. Hiru egunez eskainiko dute zerbitzua, bi egun Goizuetan abenduaren 29 eta 31n eta bat Aranon abenduaren 30ean. Goizeko 10etatik 13:00etara, haurrek primeran pasatzeko aukera izanen dute jokoetan jolastuz, eskulanak eginaz. Dindaia Fundazioak kudeatuko ditu tailer hauek. Aldez aurretik izena ematea beharrezkoa da eta egun bakoitzeko 5 euro ordaindu beharko dira. Goizuetako eskolaren bitartez eginen da izen-ematea, baina kanpoan bizi eta oporrak bertan pasatzen dituzten umeek ere izena eman ahalko dute. Beste zenbait ekintzen artean, erakusketa bat ere egingo dute Aranon, Arano eta Goizuetako umeek Aranori buruz eskolan egin dituzten lanak bilduta.