Ama-aita izan berri direnentzako Jaio naiz. Zaindu nazazuze, zaindu zuen burua Familiarentzako Gida argitaratu zen irailean. Leitza, Areso, Goizueta eta Arano osatzen duten Osasun Etxearen eta Gizarte Zerbitzuko Mankomunitatearen 0-3 Batzordeko ideia izan zen. Gida, jaio berrien familiei argibideak emateko interesgarria izango zela pentsatu zen. Bertan, jaio berriaren eta familia osoaren behar fisiko, afektibo eta sozialak nola tratatu jasotzen direlako.
Gidan aita edo ama izatearen alde ezberdinak jorratzen dira: amaren zainketa erditu ondoren, senitarteko guztien ardurak, jaio berriaren zainketa fisiko eta afektiboa, eta erreferentzizko zerbitzuak.
Era berean, Jose Luis Huarte Leitzako Liburutegiko arduradunak, haurrekin irakurtzeko prestatu duen liburuen zerrenda erantsita doa.
Guzti honekin, baliabide bat eskaini nahi izan da amek eta aitek jakin dezaten jaio berria eta familia osoa nola zaindu haurra zoriontsua izango den inguruan, osasuntsu hazi eta heziko den jendartean. Gida, zerbitzu ezberdinetako kontsultetan eta pediatriako erizainak etxean jaio berriari egiten dion bisitan banatuko da.