Urriaren 15ean ospatu zen Landa Eremuko Emakumeen Eguna eta horren harira, erakusketa, dokumental emanaldia eta mahai ingurua antolatu zituen Leitzaldeko Gizarte Zerbitzuen Mankomunitateak. Diruaren sexu ezkutua izenburupean, 50 diru-zorrok eta emakumeen testigantzek osatzen duten erakusketa ireki zuten. Ikusgai egonen da udaletxean azaroaren 4ra arte. Horrekin batera, Haurralde Fundazioa eta Malen Etxearen eskutik Larre motzean dokumentala ikusteko aukera izan zen. Amaitzeko urriaren 22an mahai ingurua egin zuten Atekabeltzen, eskualdeko zenbait emakumeren bizipenak jasotzeko. Kristina Saralegi (abeltzaina eta aizkolaria), Miren Intxaurrondo (Sarrioko langilea), Jaione Aldaia (Esportazio arduraduna eta coach-a) eta Garbiñe Hernandorena (burdindegiko saltzailea) izan dira hizlariak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun