Aurten ere Errigora ekimenarekin bat egiteko aukera izanen da herrian. Nafarroa hegoaldeko nekazaritza indartu eta euskalgintzari bultzada ematea da helburua. Horretarako eremu horretako nekazaritza produktuak Euskal Herri guztian zabaldu nahi dira. 50 euroren truke, kalitate bikaineko produktuen saskia jaso ahalko da etxean, eta irabaziaren %25a euskarari laguntzeko bideratuko da. Urriaren 27tik azaroaren 12ra eskaerak egiteko aukera izanen da.