Urteroko hitzorduari hutsik egin gabe, prest dute zinema denboraldi berria Leitzan. Asteburu honetan hasiko da eta hainbat hilabetez, ia astero-astero hainbat film eskainiko dituzte. Beti bezala, pelikulak ostiraletan 22:30ean eta igandetan 19:30ean eskainiko dituzte.
Denboraldi berria hasteko Paolo Sorrentino zuzendariaren La gran belleza filma aukeratu dute eta ostiral eta igande honetan hori izanen da ikusgai. Urriaren 31n eta azaroaren 2an, berriz, Spike Jonze zuzendariaren Her egonen da ikusgai. Azaroaren 7an eta 9an Martin Scorsese zuzendariaren El lobo de Wall Street pelikula emanen dute.
Film bakoitza ikusteko 6 euroko sarrera ordaindu beharko da.