Irailaren 18an, Aurrerako egoitzan, palestinarren egoerari buruzko hitzaldia eskaini zuen Askapenako brigadista batek. Azken aldiko gatazka hurbiletik bizi izan du eta hala bertaratutakoek palestinarrek bizi duten egoera gordinaren berri izan zuten. Ondoren mahai inguruan solasaldi mardula egin zuten eta argi gelditu zen Palestinako lurretan azken 100 urtetan gertatzen ari denak jende askoren kezka eta solidaritatea eragiten dituela. Egun berean, asko izan ziren Eskoziara begira egon zirenak. Independentziaren inguruko galdeketa egin zuten Eskozian eta Leitzako Udalean ere Eskoziako ikurra jarri zuten, herritarrek beren etorkizuna erabakitzeko duten eskubideari babesa adierazteko.