Eguraldiagatik ez, baina ekitaldiz betea izan dugu udara. Labur labur aipatze aldera, herriko festetan giro aparta izan dugu beste urte batez. Ekitaldi nagusia, arkume-jatea urteroko arrakastaz egin zen herritar askoren laguntzari esker.
Mendi bueltarako tarterik ere izan da. Esaterako abuztuaren 11n herritar talde bat, Aranotik Urnietara joan zen oinez. Besabin bazkaldu zuten 20 bat mendizale eta beste 10 bat lagunek.
Abuztuaren 16an, urteroko San Roke erromeri eguna izan zen. Euriagatik partidak bertan behera geratu ziren, baina ohiko giro polita sortu zen. Txistulari ugari etorri ziren Bilbo, Bartzelona, Hernani eta ingurukoak.
Abuztuaren 26an, berriz, Estherrek haurrekin talo festa egin zuen. Beraiek prestatutakoak goxo-goxo jan zituzten.