Urtero bezala, Plazaola Partzuergo Turistikoak, zonaldeko udaletxeekin batera, hainbat ekitaldi antolatu ditu irailerako. Proposamen desberdinak bildu dituzte gure herriko kirol, gastronomia, kultura eta ohituretaz gozatzeko aukera eskainiz: irailaren 7an Aresoko mendi martxa; irailaren 14an Irurtzunen Bertako ganaduaren II. Azoka; irailaren 21ean Leitzako Talo Eguna; irailaren 28an Plazaolako natur bidean maratoi erdia eta Lekunberriko sagardo eguna.