Gizarte Zerbitzuek antolatuta, ekainaren 19an, iñigo Arluzea eta Gorka Villa AERGI taldekoek eman zuten hitzaldia. Alkoholikoak direla adierazi zuten, bi urte edan gabe daramatzaten arren. Elkarteak alkoholismoa eta bestelako adikzioak lantzen ditu eta droga menpekotasunaren prebentzioko bi teknikari ditu. Alkoholismoa «gaixotasun bat» dela eta « edaten hasi eta gelditu ezin duenari, bere gorputzak aski da esateko gaitasunik ez duen pertsonari» eragiten diola aipatu zuten. Asko dira egoera ukatu, ezkutatzen duenak (bereziki emakumeak), eta denek modu berean edan eta sentsazio berdinak dituztela uste dutenak, horregatik arazoa aztertu eta gizarteratzearen garrantziaz hitz egin zuten.