Sormena landu eta jendearen sormen sena esnatzeko asmotan, tailerrak antolatu dituzte. Uztailean izanen dira, goizez, Atekabeltz herrigunean eta eskaintza zabala izanen da, adin desberdinetara egokitutako tailerrak eskainiko dituztelako.
Uztailaren 1etik 3ra, 12 urtetik gorako emakumeen sormen sena esnatzeko tailerra prestatu dute. Uztailaren 7tik 10ra berriz, 3 urtetik gorako haurrek beraien Artista Liburua sortzeko aukera izanen dute elementu desberdinak margotu, moztu eta itsatsiz. Amaitzeko uztailaren 21etik 24ra, 6 urtetik gorako haurrek kaleetan zehar interesatzen zaizkien gauzak margotzeko aukera izanen dute, horretarako eginen den tailerrean.
Interesatuek izena eman beharko dute ekain bukaera baino lehen, sormensena@gmail.com helbidera idatzita edo 677340685 edo 665244269 telefonoetara deituta.