Itxaso Onsalo aresoarra eta Leire Astiazaran zizurkildarrak irabazi dute lehenengo aldiz egin den Gipuzkoako emakumezkoen trontza txapelketa. Beasainen izan zen saioa, eta partaideek 45 ontzako enbor orizontalari 10 korte egin behar izan zizkioten. Lau bikote aritu ziren lehian eta probaren amaieran, gure bikotea izan zen denborarik onena lortu eta garaipena eta txapela eskuratu zituena. Lan ordu asko eta esfortzu handia egin dute hau lortzeko baina azkenean egindako lanak eman du fruitua! Zorionak bikote!
Anartz Olano herriko pilotariak ere partidak jokatzen eta txapelak irabazten jarraitzen du, argazkian Espainiako Txapelketa irabazi ostean Apeztegia bikotearekin ageri da. Ez da lortu duen txapela bakarra Irurtzunen ere garaile atera baitzen Azanza lagun zuela.Txapelketa gehiago ere jokatzen ari da, tartean Mallabiakoa. Pozgarria da herriko kirolariak emaitza onak lortzen ari direla jakitea, jarraitu lanean eta zorionak!