Giza-kate erraldoia egin zen ekainaren 8an eta 360 leitzarrak parte hartu zuten bertan, eskualdetik guztira 850 inguruk. Leitzatik 7 autobus irten ziren, Izara joateko eta giza-kateko 110. kilometroan elkarri eskutik eutsita jartzeko. Hain juxtu kataluniarren ondorengo kilometroa zen hau. Pesta giroa nagusitu zen, “Nazioa gara, erabakitzeko eskubidea dugu, herritarron garaia da” lelopean Iruñea eta Durango lotu ziren egunean.