Maiatzeko bigarren larunbatean, Leitzaldeko haur, guraso eta eskolen XV. topaketak ospatuko dira herrian. Leitza, Goizueta, Areso eta Aranoko ume eta gurasoak bilduko dira pesta egun bikainaz gozatzeko asmotan. Goizeko 11:00etan kalejira batekin hasiko dute eguna eta 11:30tan konpostari buruzko hitzaldia izanen da. 12:00etan tailerrak, 14:00etan bazkaria eta 16:30etik aurrera jokuak prestatu dituzte. Jolasean galdutako indarrak berreskuratzeko 18:00etan merendu berezia eginen dute. Eskolen topaketak ez dira maiatzaren 10eko hitzordu bakarra izanen. Mendialdea mankomunitateak konposta jaia antolatu baitu Arekozubi ondoan dagoen auzo-konpostagunean. Konposta aterako da eta familietan banatuko da, ondoren kanpaina bat abian jarriko da interesatutako familia gahiago apuntatu daitezen auzo-konpostaguneak zabaltzea baita helburua.