Maiatzeko bigarren larunbatean, Leitzaldeko haur, guraso eta eskolen XV. topaketak ospatuko dira Leitzan. Leitza, Goizueta, Areso eta Aranoko ume eta gurasoak bilduko dira pesta egun bikainaz gozatzeko asmotan. Egun berean, konposta jaia ere antolatu du Mendialdea Mankomunitateak.
Leitzaldeko haur, guraso eta eskolen topaketari dagokionez, larunbat goizeko 11:00etan kalejira batekin hasiko dute eguna eta 11:30tan konpostari buruzko hitzaldia izanen da. 12:00etan tailerrak, 14:00etan bazkaria eta 16:30etik aurrera jokuak prestatu dituzte. Jolasean galdutako indarrak berreskuratzeko 18:00etan merendu berezia eginen dute.
Konposta jaia
Eskolen topaketak ez dira maiatzaren 10eko hitzordu bakarra izanen. Mendialdea mankomunitateak konposta jaia antolatu baitu Arekozubi ondoan dagoen auzo-konpostagunean. Konposta aterako da eta familietan banatuko da, ondoren kanpaina bat abian jarriko da interesatutako familia gahiago apuntatu daitezen auzo-konpostaguneak zabaltzea baita helburua.