Apirileko lehen astean Atekabeltz Herrigunearen inguruan zenbait ekitaldi burutu ziren. Gune honen helburua herriko eragile ezberdinei, batezere biltzeko egoitzarik ez dutenei, elkartzeko toki bat eskaintzea da. Kultur gunea izatea nahiko lukete, herritarrek herriaren alde lan egiteko gune, auzolana sustatuz. Atekabeltz gunea eta proiektua zabaldu eta ezagutarazteko asmoz antolatu zen festa. Hitzaldiak, kontzertuak, umeentzako ekitaldiak... izan ziren. Partehartze handia izan dela aipatu dute antolatzaileek, jende ugari eta anitza erakartzea lortu dutelako.