Alkate berria izendatzeko batzarra egin zuten apirilaren 7an Udaletxean. Udaleko zinegotziez gain, herritar ugari bildu zen aretoan eta bertan, Bilduko zinegotzi guztien aldeko bozekin, Arantxa Iparragirre izendatu zuten alkate. Bertaratutakoen babes eta txalo zaparrada artean hartu zuen kargua. Bere lehendabiziko hitzak Oier Eizmendiri, orain arte alkatea izandakoari, eskaini zizkion eta urte hauetan herriagatik egindako lana eskertu nahi izan zion. Herritarrei ere eskainitako babesa eta laguntzagatik eskerrak eman zizkien. Arrazoi pertsonalak medio utzi zuen kargua Oier Eizmendik, baina alkate berriari babes osoa eskaini eta bere laguntza emateko prest agertu da. Arantxak, Bilduren talde lana ere azpimarratu nahi izan zuen Udala kudeatzeko moduagatik, «ez baitu modu presidentzialean egiten». Xabier Zabalok zinegotzi kargua hartuko du laister.
Herrian alkate kargua hartzen duen lehen emakumea da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun