Aurtengo Santio festak prestatzen hasia da Festa Batzordea eta horren baitan, aurreko urteetan arrakasta handia izan duen arkume jatea antolatzeari ekin dio. Bazkari hori antolatzeko herritarren laguntza ezinbestekoa denez, herritarrak bilera batera deitu ditu xehetasunak adosten joateko. Apirilaren 11n izango da, ilunabarrean, San Roke elkartean. Ez da bilera hutsa izango, izan ere, afari lege batekin egingo baita.
Bide batez, herritar dezente bertan izango direnaren aitzakiarekin, Udalak eskatuta eta herritarrekin egindako bileretan bildutako hausnarketak kontuan hartuz, Bizi-Bizi enpresak Aranoren inguruan egin duen turismo plana ere aurkezteko dute herritarren aurrean.