Leitza, Goizueta, Areso eta Aranoko Gizarte zerbitzuen eta Cederna Garalurren eskutik, “Lan aukerak zabaladuz” proiektua aurrera doa. Langabetuen gune bat sortzea zen helburuetako bat eta bete da. Asteazkenero goizeko 10etan Atekabeltz herrigunean elkartzeko antolatu dira eta langabetu guztiak gonbidatuta daude beraien kezkak eta elkarlanak asanblada honetan jorratzeko. Lehenengo ikastaroa “Ideia batetik ogibidera” dagoeneko burutu da eta bigarrena apirilaren 7, 9, 11, 14 eta 16an eginen dute. 10etatik 13:00etara, negozio bat kudeatzeko behar diren oinarrizko ezagutzen berri emanen dute. Interesa dutenek izena emateko kontaktuan jarri behar dute Cederna Garalur edo Gizarte Zerbitzuarekin.