Euskal Herriko Txistularien Elkarteko batzarra ospatuko da Leitzan martxoaren 15ean. Larunbat horretarako egitarau zabala prestatu dute eta txistu soinuaz gozatu ahalko da egun osoan: 9:30ean Txistularien elkarretaratzea institutuan eta bertan gosaria. 10:00etan meza. 10:45ean Agintarien ongietorria Udaletxean. 11:30ean Ez ohiko Batzar Orokorra Leitzako zinean eginen dute. 13:00etan Kalejira, poteoa eta kontzertu herrikoia. 14:30ean Anaitasun bazkaria.
Elkartasun Eguna
Txistularien Egunaz gain, Elkartasun Eguna ere izanen da martxoaren 15ekoa. 14:00etan bertso bazkaria eginen da. 20:00etan manifestazioa eginen da eta 23:30etik aurrera, Atekabeltz gaztetxean kontzertuak eskainiko dituzte Zeropetik talde leitzarrak eta Buuzbu Iparraldeko taldeak.