Eguraldi eta giro bikainean pasa dira karnabalak gurean. Aspaldiko urteetako eguraldi gozoenarekin, lagun koadrila polita ibili zen etxez etxe eta ondorengo zai-dantza eta afarian. Aurten ere, zai-dantzako protagonista nagusien paperean bi emakume izan genituen, Maitane Legarreta eta Maitane Sarobe.
Gauean, berriz, afal ondoreko kantaldi goxoa izan genuen, Fermin Zinkunegiren laguntzaz.