Plazaola Turismo Partzuergoan daude Leitza eta Areso, Lekunberri, Imotz eta Larraungo Udalak eta artisau eta ostalaritzako bazkideek ere osatzen dute. Gainera, Araitz, Basaburua, Ultzama eta Sakanako bazkideek osatzen dute partzuergoa. Guztira 100 kide inguru. Udalaz aparte Leitzan 20 bat kide daude. Ostalaritzakoak 5: 3 hotel, 2 jatetxe (gehi beste 2 hotel, Iruso eta Musunzar); Landa etxeak 6; Komertzioak 3 (Saralegi seguruak, Aritztela, Maimur); Tabernak 2 (Gaztañaga eta Txoko); Aktibitateak 2 (Peru harri, Arro baserria).
Ilbeltzaren 19an Lekunberriko geltokian bildu ziren Partzuergoko ordezkariez gain trenbidea pasatzen zen herrietako ordezkariak ere, lehen bidaiaren mendeurrena ospatzeko. Gipuzkoako zatiko alkateak ere bertan ziren eta Aldundiaren eta Eusko Jaurlaritzatik ere ordezkariak bildu ziren. Nafarroako Gobernutik Turismoko Zuzendari Nagusia Carlos Erce eta alkate eta bazkide ugari ere baziren.
Izan ere, hamar urte lehenagotik Leitzarango Bizkotz ingurutik Andoainera minerala garraiatzen baldin bazuen ere, jendearekin lehen bidaia 1914ko urtarrilaren 25ean egin zuen Plazaolak.
Orain lanean jarraituko dute Partzuergoan maiatzaren 4an naturbideen egunean besta herrikoia antolatzeko. Natur bidearen zabalkuntzan Iruña eta Donostia lotuz, tartean gelditzen diren puntu guztiak berreskuratu, txukundu, eta indartzen joateko asmoan dira, gure inguruaren erakusleiho ederra bihurtuz, bertakoentzat eta bisitarientzat.