Eusko Label binakako aizkora txapelketako urrezko mailako saio garrantzitsua jokatuko da otsailaren 2an, igande eguerdian Leitzako Amazabal pilotalekuan. Jon Rekondo leitzarra eta Ander Erasun aurtiztarra, Iñaki Azurmendi eta Unai Otaño gipuzkoarren kontra ariko dira.
Leitzarrak eta aurtiztarrak galdu egin zuten joan den igandean Urrozen Mugertza II eta Atutxa II.ren kontra jokatutako saioan eta honenbertzez, orain garaipena nahitaez behar dute finalerdietarako sailkatzeko. Ez dute erraza izanen, aurrean gaur egungo Euskal Herriko txapelduna, Iñaki Azurmendi eta azken bi urteetan Eusko Label txapelketan irabazle suertatu den Unai Otaño izanen baitituzte.