Duela 100 urte, ilbeltzaren 19an egin zen Plazaola trenaren inaugurazio ofiziala. Urteurrena ospatu eta Plazaola partzuergo turistikoak 20 urte bete dituela ospatzeko, bilkura berezia egin zen Lekunberriko geltokian. 1953. urtera arte Iruñea eta Donostia lotu zituen bidea, egun, natur bide ederra bilakatu da. Plazaola turismo partzuergoa, berrindartze prozesu batean murgildurik dago: besteak beste, webgune berria lantzen ari dira eta urteurrena aprobetxatuz urtean zehar ekimen bereziak ere burutuko dituzte.