Abenduan eta ilbeltzaren haseran jokatu ziren Euskal Herriko mus txapelketako herriko kanporaketak Torrea, Peritza eta Atekabeltzen. Ilbeltzaren 4an burutu zen finala Torrean eta sailkatutako lehenengo hiru bikoteek herrialdeko kanporaketarako txartela eskuratu dute. Iruñeko Arrano Elkartean otsailaren 15ean jokatuko den partidan Egoi Bengoetxea eta Galindo, Josetxo Zabaleta eta Asun Betelu eta Koldo Leitza eta Gotzon Aramendia izanen dira. Final handia Heletan jokatuko da martxoaren 8an.