Umore Ona elkarteak antolatutako zortzigarren mendi buelta urtarrilaren 26an eginen da. Oraingoan, ibilbide megalitikoa eginen dute eta igande goizeko 9etan plazatik abiatuta, Martitxebe, Altzanburu, Añone, Errekaleku, Urgarata eta Montefrion barna igaro ondotik, berriz ere herrira bueltatuko dira. Ondoren, mendizaleentzako bazkaria izanen da Umore Ona elkartean. Izena emateko zerrenda elkartean dago eta 15 euro ordaindu beharko da bazkariaren truke.