Urteroko bisitari ez zion hutsik egin Orantzaroak. Iluntzean iritsi zen plazara Arinaldeko magaletik behera eta kalejiran eta pesta giroan ospatu zuten herritarrek bere etorrera. Gauean berriz, etxeetan zehar ibili zen opariak banatzen. Egunean zehar herriko etxe ugaritan bestelako Orantzaroak ikusteko aukera ere izan zen, usadio zaharrarekin segiz asko izan zirelako etxea apaintzeko ikazkina balkoi edo atarian jarri zutenak. Eguerdian txikienak izan zuten protagionismo osoa, kalejira egin eta txondorrean gutunak botatzeko aukera eman zitzaien. Pesta Batzordeak, hau da, Aurrerak, Guraso elkarteek, Kultur taldeak, Udalak eta herriko zenbait eragilek elkarlanean antolatu zuten geroz eta garrantzia gehiago duen pesta.
Arinaldeko magaletik behera etorri zen iluntzean ikazkina
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun