Izugarrizko harridura eta sorpresa eragin du Ulizarko kobazuloan berriki egindako aurkikuntzak. Herriko ahoz ahoko historian biltzen denez, inkisizio garaian kobazulo bat zegoen Ulizar inguruan, akelarre tokia zena.Uste hauei tiraka, Burdina taldea, Santa Kruz ermitaren magalean indusketa lanak egiten ari zenean egin zuten aurkikuntza, zeramikazko 90 zati topatu zituzten. Aresoko Udalak ikerketa bultzatu du eta Nafarroako Gobernuko Arkeologia sailak egindako txostenaren arabera K.a. IV mendekoak dira bildutako zatiak, lehendabiziko hipotesien arabera, garai hartan etxean erabiltzen ziren ontzi batenak. Orain ikertzen segiko dutela adierazi dute, herriko historia hobeki ezagutzeko asmoz. Aurkikuntza udaletxean ikusgai jarriko dutela azaldu zuen Aresoko alkateak.
Eskualdean ezaugarri hauek dituen ontzi bakarra da
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun