Umore Ona Elkartean 2013an ez da bazkide berri izateko eskaerarik egon. Honen atzean era askotariko arrazoiak egon daitezke, gustoko ez izatea, beharrik ez izatea, edo arazo ekonomikoa. Nahiz eta azken 15 urteetan sarrera kuotarik ez den igo gaur egungo egoera ekonomikoak ez du bultzatzen benetan premiazko gastuak ez direnak egitera. Egoera hau arintzeko asmoz sarrerako kuota ordaintzeko erraztasunak jarriko ditu Umore Ona elkarteak 2014an.
Horrela hilabetean 25 euroko 12 kuota ordainduta bazkide izan daiteke 25 urte baino gutxiago duen edozein. 25 urte baino gehiago dauzkatenek berriz 70 euroko kuota bat eta 40 euroko 11 kuota ordaindu beharko dituzte.
Interesatua dagoenak, elkarteko bi bazkideren babesarekin, orain arte bezala, izena eman behar dio urtarrilaren 25a baino lehen komisioko edozein kideri. Eskaria datorren urte hasieran egingo den batzarrean erabakiko da.