Abenduaren 31n bukatu zen Asier Olaizola pilotari goizuetarrak Asegarcerekin zuen kontratua, bere ibilbide profesionalari amaiera jarriaz, nahiz eta beste enpresa txikiagoren batean segitzeko asmoa baduen. Urte hauetan Asierrek, goi mailan jokatzeaz gain, Goizuetaren izena frontoietan ezagutzera eman du, eta bere ibilbidea errekonozitzeko eta eskerrak emateko omenaldi txiki bat egitera pentsatu du Umore Ona elkarteak urtarrilaren 4an.
Omenaldia larunbat arratsaldeko 6etan hasiko da Goizuetako frontoian. Hasteko herriko pilotarien arteko partida bat jokatuko da, ondotik Asierreri omenaldia eginen diote eta bukatzeko Asierrek eta berarekin profesionaletan jokatu duten pilotari batzuen arteko partida izanen da. Bukatzeko denek Umore Ona elkartean afalduko dute.