Xalto bertso sariketako kanporaketa Atekabeltz herrigunean ospatu zen azaroaren 15ean. Hiru bertsolarik eskuratu dute Goizuetan jokatu zen finalerako txartela: Xabier Maia (Elizondo), Iker Gorosterrazu (Ituren) eta Mikel Lasartek (Barañain). Nafarroako Bertsozale Elkarteak urtero antolatzen dituen ekimenen artean dago Xalto sariketa. Helburu nagusia, Nafarroako bertsolari gazte zein hasi berriei kantatzeko aukera ematea da, beraien bertsogintza ezagutarazi eta esperientzia har dezaten.