Beste urte batez Nafarroako Gobernuak ikasturte osoan zehar fruta bidaliko du Aresoko Nazabal Eskolara. Aurreko urteetako arrakasta ikusita, eskolako ordezkariek eskaria egin eta aurten ere onartu egin dute. Hala, haurrek gosaltzeko jango duten fruta dohainik jasoko dute. Kanpainaren helburua haurrek fruta ezberdinak ezagutu eta dastatzeaz gain elikadura osasuntsua bultzatzea da. Eskolak eta gurasoek gustora jaso dute berria.