Urtero sasoi honetan bezalaxe, hasiak dira Leitzako zine emanaldiak. Ohiko ordutegia eta egunak mantenduko dituzte; ostiraletako saioak 22:30ean eta igandetakoak 19:30ean izanen dira. Urriaren 25 eta 27an eman zaio denboraldiari hasiera, Amor filmarekin. Horretaz gain zinelabur lehiaketako lanak ere bertan izan dira ikusgai. Hurrengo saioa azaroaren 1ean izango da, ‘El llanero solitario’ filma izango da ikusgai. Azaroaren 8 eta 10ean berriz, ‘La caza’ filma ikusteko aukera izango da.
Azaroaren 9an berriz, iluntzeko 7etan hitzordu berezia izango da. Nagore Laffageren kasua azaltzen duen ‘Nagore’ dokumentala ikusteko aukera izango delako. 20 urteko Irungo erizain ikasleak 2008ko Sanferminetan bizi izandako gertakari beltza azaltzen du filmak. Helena Tabernak zuzendutako filma ikusteaz gain, Asun Casasola, Nagoreren amaren testigantzak ere entzuteko aukera izango da, saioan bertan izango delako gonbidatuta.