Urriaren 24tik 27ra ospatuko da Leitzako zazpigarren mikologialdia. Leitzako Kultur Elkarteak herriko zenbait eragilerekin batera antolatu ohi du ekimena eta dagoeneko galdu ezinezko hitzordua bilakatu da askorentzat. Aurreratu dutenez, azken urteetako egitaraua mantenduko dute: astean zehar lagunarteak mendietan ibiliko dira perretxikoak biltzen eta ostiralean, bildutako xixak karrapeko tabernara eraman beharko dituzte. Urriaren 26an, larunbatean, plazatik abiatuta mendizale elkartekoen laguntzarekin guraso eta haurrak onddoak biltzera joanen dira Lei-tzalar inguruan. Igandean berriz, mikologialdia borobiltzeko, egun osoko egitaraua prestatu dute: haurrentzako jolasak eta tailerrak, karrapean erakusketa mikologikoa, haurrek eskolan egindako marrazkien erakusketa eta pintxo dastaketa izanen dira.