Urriaren 17an hasiko da 35/02 sumarioaren epaiketa, ‘Herriko tabernen’ auzia bezela ezagutzen dena, Espainiako entzutegi nazionalean. Beste hainbat Herriko Taberna eta elkarteren etorkizunarekin batera, Torrea Elkartearena ere egun horretan erabakiko da. Horren harira, Joseba Azpiroz herritarra, Torrea Elkarteko lehendakari gisa, Madrilen epailearen aurrea deklaratu beharko du. Ez da ahaztu behar, Torrea Elkartea azken hamaika urteetan kontrolpean dagoela eta lehen solairua prezintatua duela. Azken urteetako egoeraren eta heldu den epaiketaren aurreanTorrea Elkarteak ekimen ezberdinak jarri ditu habían. Batetik bono laguntzak jarri ditu salgai, epaiketaren kostu ekonomikoari aurre egiteko. Bestalde, herritarrei egoeraren berri emateko asmoz, ekitaldiak ere prestatu dituzte: Urriaren 15ean batzar informatiboa izanen da Torrean. Urriaren 17an, epaiketa hasten den egunean, kontzentrazioa deitu dute Lopeneko aurrean arratsaldeko 7etan “Torrea libre, epaiketa politikorik ez” lelopean. Azaroan 16an, berriz, Torrea eguna ospatuko da: ekitaldia, bazkaria eta kontzertua. Urriaren 26an manifestazio nazionala deituta dago Bilbon.