Turismoa sustatzeko asmoarekin, Nafarroako Gobernuak film laburren I. lehiaketa jarri zuen martxan. Horretarako Udalarekin jarri ziren harremanetan eta herrian film labur bat egiteko akordioa lotu zuten. Hamar gidoi aukeratu zituzten, Nafarroako hamar herritan filmatzeko asmoarekin, horien artean Leitzan. Herrian pelikula eginen duena Josu Segura izanen da. Irailean eginen dituzte grabazioak, urriaren 15erako muntaiak osatuak behar dituzte eta urriaren 31n, 19:00etan Leitzako zinean aurkeztuko da pelikula laburra. Ondoren nazioarteko festibaletan eta turismo azoketan zabalduko da.